𝗦𝗲𝗴𝘂𝗻𝗱𝗮-𝗙𝗲𝗶𝗿𝗮, 02 Juñu 2024, Instituto Nacional de Farmácia e Produtos Médicos (FPM) Realiza Serimónia Isár Bandeira Nasional ba Fulan Juñu nian iha Resintu FPM Rua Kampo Alor, Dili Timor-Leste.

Diretora Ezekutiva FPM, Sra. Paulina Mendonça Maher, S.E. mak sai nudar Inspetora ba Serimónia hodi lidera Serimonia Isár Bandeira Refere.

Iha Intervensaun, Diretora Ezekutiva enkoraja nafatin funsionariu sira hotu iha FPM atu bele hala’o servisu ho diak hodi nune’e bele atinji ba objetivu sira ita hotu hakarak. Nia husu atu ofisial sira nebe mak responsavel ba prosesu ezekusaun orsamentu nian atu bele asselera prosesu sira atu bele hasa’e dezempeñu servisu no liu-liu kona ba ezekusaun orsamentu.

Responsavel ba Serimónia Isár Bandeira refere mak Estudante Estájiadu sira husi Instituto Ciénsia Saúde Departamentu Farmácia sira nebe mak daudaun ne’e hala’o hela sira nia estájiu klinku iha FPM Dili.

Serimónia ne’e lao ho diak no hetan partisipa massimu husi Direjentes sira, Funsionariu sira FPM nian, Servisu Limpeza, Servisu Seguransa no mos Estudante Estájiadus sira hotu.