𝗞𝗶𝗻𝘁𝗮-𝗙𝗲𝗶𝗿𝗮, 27 𝗝𝘂ñ𝘂 2025, Formasaun ho tema "Strengthening of Supply Chain Management on FPM including immunization management at Regional level's" ne'ebé halo husi loron 24 to'o 26 Junho 2025 remata ona ho rezultadu pozitivu.

Formasaun ne'e susesu atinje nia meta prinsipal hodi kapasita responsavel rejional sira iha jestaun armazenamentu no distribuisaun vasina ho efeisiénsia.

Durante formasaun loron tolu ne'e, partisipante sira susesu hetan kapasidade foun kona-ba manutensaun kualidade no efikasia vasina iha prosesu kadeia fornese tomak. Formasaun ne'e mós reforsa sistema monitorizasaun no supervizaun iha rejiaun ida-idak, ho objetivu garante vasina sira fornese ba komunidade iha kondisaun ótimu.

Iha formasuan ida ne’e, partisipantes sira mos halo simulasaun no halo pratika hodi aplika teoria nebe mak sira hetan ona kona ba oinsa halo teste ba Vassina nia kondisaun, wainhira mosu deskonfia ruma ba vasina refere, no mos oinsa aplika regras no prosedimentu tomak husi prosesu halo Clearance, Inspesaun no to’o ba iha Armazenamentu no Distribuisaun.

Formasaun sira ne'e hetan susesu tamba hetan apoiu máximu husi UNICEF no WHO, ho kolaborasaun di'ak ho Ministério da Saúde no INSPTL. Espesialmente fasilitadór sira nia prezensa importante tebes hodi bele fahe koñesimentu no abilidade ne'ebé iha ligasaun ho jestaun no managementu ba vasina nian. Espertu sira ne'e kontribui ho esperiénsia prátika no koñesimentu tékniku ne'ebé valiozu ba partisipante sira.

Agora partisipante sira iha responsabilidade boot atu implementa no habelar iha sira-nia rejiaun respektivu. Sira presiza aplika tékniku monitorizasaun temperatura ne'ebé aprende, mellora infrastrutura armazenamentu, no asegura prosesu distribuisaun vasina ho padraun seguransa a’as.

Parseria estratéjika entre nivel nasional no rejional sei kontinua ho intensidade bo’ot liu atu kria programa imunizasaun ne'ebé integra no efisiente. Espetativa bo’ot mak liu husi aplikasaun prátika di'ak sira ne'e, responsavel rejional sira bele minimiza perda vasina no garante programa imunizasaun nasional atinje susesu máximu iha protesaun saúde públika.

Rezultadu final ne'ebé hakarak atinji mak populasaun Timor-Leste tomak simu benefísiu husi servisu imunizasaun ne'ebé kualidade a’as no sustentável.

Serimónia Enseramentu ne’e halao husi Representante UNICEF no mos Representante Diretor Ezekutivu FPM nian, nebe hala’o iha Salaun Enkontru LASAMA FPM rua Kampo Alor Dili Timor-Leste.