stituto Nacional de Farmácia e Produtos Médicos (FPM) realiza Serimónia Isár Bandeira Nasional iha loron Segunda-Feira, 01 Dezembru 2025, iha resintu FPM Rua, Kampo Alor – Dili.

Atividade ida ne’e hala’o hanesan abertura ofisiál ba fulan Dezembru, nian mos atu hatudu konsiderasaun bo’ot ba Símbolu Nasional no valor patriotismu nian.

Atividade Isár Bandeira ne’e hanesan oportunidade atu reforsa valorizasaun ba dever servisu públiku, no enkorajamentu atu servisu kontínua ho responsabilidade, transparénsia no integridade.

Diretor Ezekutiva FPM, Sra. Paulina Mendonça Maher, S.E. lidera ba Serimónia Isár Bandeira hodi sai hanesan Inspetora da Serimónia.

Iha momentu intervensaun, Diretóra Ezekutiva FPM nafatin fo hanoin ba Servisu Nain FPM nian atu bele servisu ho Responsabilidade no Professional.

“Ita tama ona Ba Fulan Dezembru, Fulan Ikus nia iha tinan ida ne’e, tanba ne’e husu ba Funsionariu sira hotu atu bele servisu nafatin ho reponsabilidade no professionalismo. Husu atu ekipa sira atu bele verifika didiak dokumentus sira, nune’e prosesu pagamentu sira bele lao ho diak.”

Serimónia isár Bandeira hala’o ho ambiente institusionál, ordenadu no ho partisipasaun ativa husi Kargu Diretor sira, Xefi Departamentu, ekipa téknika no funsionáriu hotu.