Vizita ida ne’e hala'o atu bele observa direita kona ba Stock Aimoruk iha Armazem Sentral nian, tanba dala ruma iha sosiedade no iha públiku sempre kestiona kona ba falta medikamentus iha fasilidade saúde sira. Tanba ne’e, Komisaun F Parlamentu Nasional hakarak hare direta kondisaun real stovck aimoruk sira ne’ebé iha Armazém FPM Sentral iha Dili, no mos rona dezafiu sira nebe hasoru durante prosesu jestaun medikamentu hahu husi prosesu aprovizionamentu to’o distribuisaun.

Membru Komisaun F mos halo observasaun direta ba fasilidade armazenamentu aimoruk, inklui kondisaun armazém, sistema kontrolu stock, no preparasaun distribuisaun medikamentu sira.

Atividade ida ne’e importante atu asegura transparénsia no hatene situasaun real kona ba disponibilidade aimoruk iha nivel nasional.