𝐀𝐢𝐧𝐚𝐫𝐨, 24 𝐀𝐛𝐫í𝐥 2026 – Sesta-Feira ne’e, Instituto Nacional de Farmácia e Produtos Médicos (FPM) realiza serimónia Termu Entrega projetu konstrusaun Murallha no Postu Seguransa iha Armazem Rejional Ainaro husi parte kompanhia ba FPM.

Projetu konstrusaun ne’e ezekuta husi Kompanhia B'TWO Unip. Lda, ne’ebé konsegue finaliza obra ne’e ho susesu tuir padraun kualidade ne’ebé fiksa ona iha kontratu, hodi garante seguransa másimu ba infrastruktura sira no ekipamentu saúde sira ne’ebé rai iha armazem refere.

Serimónia ne’e hala’o iha Armazem Rejional Ainaro no hetan ho partisipasaun husi konvidadu sira hanesan: Diretor Servisu Munisipal Saúde Ainaro, Diretor Terras Propriedade Munisipiu Ainaro, Kargu Diretor no Xefia sira husi FPM rasik, Lideransa komunitária no autoridade lokál sira, Komisaun Resepsaun no Inspesaun FPM, Tekniku sira husi Kompanhia no husi FPM rasik no seluk tan.

Konstrusaun murallha no postu seguransa ne’e la’ós de’it dezenvolvimentu fíziku, maibé investimentu ida atu garante katak rekursu saúde sira ne’ebé ita rai iha ne’e seguru husi risku sira husi li’ur, nune’e bele serbí komunidade ho di’ak liután

Serimónia ne’e remata ho asinatura dokumentu Termu Entrega nian, no entrega Xáve husi Sr. José A. Bianco nudar Diretor Kompanhia B’TWO UNIP. LDA ba Diretora Ezekutiva FPM ne’ebé reprezenta husi Diretor Novos Projetos FPM Sr. Nelson da Costa Correia.

Ho Ezisténsia infraestrutura ne’e, hein katak jestaun lojístika saúde iha Munisípiu Ainaro bele la’o ho efisiente, seguru, no sustentável ba oin.