8 𝕄𝕒𝕚𝕦 2026 - Ekipa téknika no parseiro dezenvolvimentu sira foin daudaun ne'e finaliza formasaun intensiva kona-ba operasaun, manutensaun no seguransa ba Planta Oksijéniu foun Medikal PSA iha Manatuto.

Durante semana ida ne’e, ekipas tekniku sira partisipa iha treinamentu kona-ba operasaun, manutensaun, seguransa no uza PPE iha Planta Oxijéniu Medikál PSA. No Formasaun ba Nivel Jestor sira iha Dili Durante Loron tolu.

Treinamentu ne’e importante atu hasa’e koñesimentu no kapasidade tekniku sira hodi garante jestaun nebe diak no garante servisu tekniku sira ba sustentabilidade ba produsaun oxijéniu.

Inisiativa ne'e nu'udar kolaborasaun parseria entre Global Fund, BHI (Build Health International) no FPM.

Formasaun ne'e foka liu ba:

1. Manutensaun no uza Ekipamentu Protesaun Pesoál (PPE).

2. Seguransa ba tékniku no ba kbiit planta nian.

3. Implementasaun checklist diáriu hodi garante kualidade produsaun.

Oksijéniu nu'udar ai-moruk esensiál ne'ebé salva moris. Tan ne'e, planta ida-ne'e reprezenta pasu bo’ot ida ba Timor-Leste, liu-liu hodi reforsa no distribui ba munisípiu sira seluk iha futuru.

Partisipantes sira mos agradese ba apoiu no kolaborasaun husi Global Fund, BHI no NFPM ne’ebé fahe sira nia koñesimentu no esperiénsia durante treinamentu.

Formasaun refere Ensera husi Sr. Administrador Fundo Global, akompanha husi Diretora Ezekutiva FPM, kargu Diretor sira husi FPM no Ministerio da Saude no Seluk tan.

Obrigado ba Fundu Global ne'ebe apoiu nafatin hodi realiza formasaun ida ne'e.

𝙂𝙖𝙧𝙖𝙣𝙩𝙚 𝙠𝙪𝙖𝙡𝙞𝙙𝙖𝙙𝙚, 𝙨𝙖𝙡𝙫𝙖 𝙢𝙤𝙧𝙞𝙨!